20 апрельдә Казанда КazanaMAMA форумы узачак

Очрашу хедлайнеры – Татарстан Республикасы Президенты каршындагы Эшмәкәрлек советының баш эксперты Венера Камалова булачак.

(Казан шәһәре KZN.RU, 19-нчы апрель). 20-нче апрель көнне декрет ялында булган Казан хатын-кызларын түләүсез КazanaMAMA форумына чакыралар. Форумда хатын-кызлар декретта вакытта акча эшләү мөмкинлекләре турында беләчәкләр. Форумның хедлайнеры - Татарстан Республикасы Президенты каршындагы Эшмәкәрлек советының баш эксперты Венера Камалова. Аның чыгышының темасы – өйдә законлы рәвештә акча эшләү ысулы буларак үзмәшгульлек.

Программада шулай ук танып-белү күргәзмәсе, белгечләр консультацияләре, фотозона, бүләкләр уйнату һәм башка бик күп нәрсәләр планлаштырылган.

Бизнес-стартаплар турында сертификацияләнгән коуч, «эшмәкәр рестарты» шәхси үсеш программасы авторы, Эшмәкәрлек фабрикасының белем бирү программалары кураторы, радиода алып баручы Екатерина Федянова сөйләячәк, дип хәбәр итә «Татмедиа» АҖ матбугат хезмәте.

Чара Казанның Ямашев проспекты, 46 адресы буенча урнашкан сәүдә үзәгендә узачак. Керү ирекле. Форум программасы турында тулырак мәгълүмат сайтта урнаштырылган.

Шулай ук укыгыз

Барлык яңалыклар