В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
27.04.2022, 11:12
2 нче майда Татарстан мәчетләрендә бәйрәм намазлары укылачак
ТР мөфтие Камил хәзрәт Сәмигуллинның вәгазе туры эфирда трансляцияләнәчәк.
Фото: Денис Гордийко
(Казан шәһәре KZN.RU, 27 нче апрель). 2 нче майда Татарстанда Ураза гаете узачак. Казан мәчетләрендә һәм республиканың башка шәһәрләрендә гает намазлары 6:30 сәгатьтә башланачак, 7:00 сәгатьтә гает вәгазьләре белән дәвам итәчәк. Гает намазы 7:30 сәгатьтә укылачак.
Авыл җирлекләрендә иртәнге намаз 3:00 сәгатьтә укылачак, 4:00 дә гает вәгазе башлана, гает намазы 4:30 сәгатькә билгеләнгән.
Татарстан мөфтие Камил хәзрәт Сәмигуллинның бәйрәм вәгазе «Хузур ТВ», «ТНВ-Татарстан» һәм «ТНВ-Планета» телеканалында, ТР мөселманнары Диния нәзарәте сайтында һәм «Хузур ТВ» телеканалының YouTube-каналында туры эфирда трансляцияләнәчәк.
Исегезгә төшерәбез, 2 нче май көнне Казанда, Ураза бәйрәме көнендә, шәһәр мәчетләре яныннан узучы автобуслар һәм троллейбуслар иртәнге 5 тән йөриячәк.
Бәйрәм алдыннан Казанда туристлар Кол Шәриф мәчетенә керә алмаячак. Чикләүләр 1 нче майның 19:00 сәгатеннән 2 нче майның 9:00 сәгатенә кадәр гамәлдә булачак.
Шулай ук укыгыз
-
19.06.2025, 14:23 -
19.06.2025, 14:22 -
19.06.2025, 13:45 -
19.06.2025, 10:47