2 июньдә “Черек күл” паркында ике кара аккош “өй туе” билгеләп үтәчәк

Кошлар күлдә үз ояларында яшиячәк.

(Казан шәһәре, KZN.RU, 28-нче май, Ксения Швецова). Казанның “Черек күл” паркында ике яңа яшәүче барлыкка киләчәк – 2 июньдә ике кара аккош биредә “өй туе” билгеләп үтәчәк. Кошлар яңартылган күлдә үз ояларында яшиячәк.

Бүген эшлекле дүшәмбедә “Парклар һәм скверлар дирекциясе” МБУ директоры Алсу Сәетова сөйләгәнчә, кошларга Одиллия һәм Зигфрид исемнәре бирелгән. “Паркның мәдәни мирас объекты булуын исәпкә алып, ояның архитектур проекты барлык тиешле экспертизалар үтте һәм моңа охшаш объектларга куелган таләпләр буенча төзелде”, - диде А.Сәетова һәм аккошлар өчен ояны “КамаСтройИнвест” төзелеш компаниясе төзегәнне өстәде.