2,7 мең кешелек парад, легендар Т-34 танклары һәм махсус кунак Дмитрий Певцов – Казанда Җиңү көнен ничек билгеләп үтәчәкләр

2,7 мең кешелек парад, легендар Т-34 танклары һәм махсус кунак Дмитрий Певцов – Казанда Җиңү көнен ничек билгеләп үтәчәкләр

<p> </p> <div class="detail-picture"> <img src="https://kzn.ru/upload/iblock/435/4357d94be678b9d889fcfcacde326550.jpg"> <p class="detail-picture__caption"> Фото: Денис Гордийко </p> </div> ТР башкаласында Бөек Ватан сугышында Җиңүнең 79 еллыгы берничә урында билгеләп үтеләчәк, әмма төп локация – Меңьеллык мәйданы. Кунаклар биредә тарихи техника белән хәрби парад һәм «Җиңү көне» җырына театральләштерелгән тамаша карый алачак. Шулай ук 9 нчы майда Җиңү паркында да чаралар планлаштырылган. Бу көнне бәйрәм программасының хедлайнеры Россиянең халык артисты Дмитрий Певцов булачак. <p> </p> <h3> Тантаналы йөрештә 45 парад расчеты катнашачак </h3> <p> <b>8:00 сәгатьтә</b> Архангельск һәм Арча зиратларында хәрби каберлекләргә чәчәкләр салу тантанасы башлана. </p> <p> <b>9:00 сәгатьтә</b> чәчәкләр Җиңү паркындагы Мәңгелек ут янына, Тыл хезмәтчәннәре, Аналар һәм толлар, Совет солдаты һәйкәлләренә салыначак. </p> <p> <b>10:00 сәгатьтә</b> Меңьеллык мәйданында Казан гарнизоны гаскәрләре йөреше башлана. Парадта хәрбиләр, хәрби училище курсантлары, уку йортларындагы хәрби кафедралар студентлары, яшь армиячеләр, суворовчылар һәм башкалар катнаша. Барлыгы 45 парад расчеты һәм 2,7 мең кеше җәлеп ителә. </p> <p> Казанлылар һәм шәһәр кунаклары парадны Казан Кремле диварлары янында яки «Татарстан – Яңа гасыр» телеканалында турыдан-туры трансляциядә карый алачак. </p> <p> Парадтан соң Меңьеллык мәйданы буйлап хәрби техника һәм ретро автомобильләр узачак. Тамашачылар легендар Т-34 һәм ИС-3 танкларын, бронетранспортерларны, БМ-13 «Катюша»ны күрәчәк. Соңрак җыелма хор башкаруында «Җиңү көне» җырына театральләштерелгән композиция күрсәтеләчәк һәм махсус патриотик программа белән Дмитрий Певцов чыгыш ясаячак. </p> <p> Мәйданда шулай ук хәрби-патриотик күргәзмә эшләячәк, кунакларны кыр кухнясы ризыклары белән сыйлаячаклар. </p> <p> <b>12:00 сәгатькә</b> Җиңү паркында ТР башкаласының иң яхшы иҗат коллективлары чыгышы планлаштырылган. Биредә шулай ук яшь армиячеләр һәм укучыларның хокук саклау отрядлары парады узачак. «Җиңү фанфарлары» балалар фестивалендә катнашучылар үзләренең традицион гала-концертын тәкъдим итәчәк. Көн дәвамында паркта төрле тематик мәйданчыклар эшләячәк. Паркта бәйрәм чаралары <b>19:00 сәгатькә кадәр</b> дәвам итәчәк, әмма, салкын һава торышы урнашу сәбәпле, бәйрәм программасы кыскартылырга мөмкин. </p> <p> Барлык теләүчеләр Казан Кремлендә <b>14:00 сәгатьтән 18:00 сәгатькә кадәр</b> «Барысы да фронт өчен! Барысы да Җиңү өчен!» музей инсталляциясен карый ала. Ул бер үк вакытта кунаклар өчен фотозона хезмәтен үтәячәк. </p> <p> <b>18:00 сәгатьтә</b> халыкны янә Меңьеллык мәйданына чакыралар, анда «Җырлы Казан» проекты кысаларында сәнгать осталары, яшьләр төркемнәре һәм коллективлары, шәһәр җыелма хоры катнашында концерт башлана. Хедлайнер сыйфатында Дмитрий Певцов чыгыш ясаячак. Шулай ук бу кичне сәхнәгә татар һәм Россия эстрадасы йолдызлары Салават Фәтхетдинов, Илнат Фәрхуллин, Анастасия Макарова, A*Nik &amp; Ignat Izotov төркеме, Казан шәһәр филармониясе артистлары чыгачак. </p> <p> Алдан игълан ителгән традицион бәйрәм фейерверкы быел булмаячак. </p> <p> Барлык бәйрәм мәйданчыкларында медицина, хокук саклау органнары хезмәткәрләре һәм волонтерлар кизү торачак, тикшерүләр оештырылачак. </p> <h3> «Үлемсез полк» ТР башкаласында онлайн режимда узачак </h3> <p> Быел Россиядә «Үлемсез полк» акциясе онлайн режимда узачак. </p> <p> Акциягә кушылу өчен социаль челтәрләрдәге шәхси битеңдә Бөек Ватан сугышында катнашкан туганнарың турында сөйләргә кирәк. Алар хәрбиләр дә, тыл хезмәтчәннәре дә булырга мөмкин. Постка #МинемГеройМинемГаилә һәм #безнеңҮлемсезПолк хештегларын беркетергә кирәк булачак. Онлайн-акциядә катнашучыларның тарихлары «Үлемсез полк»ның рәсми сәхифәсендә ел дәвамында тупланачак һәм бастырылачак. Тулырак мәгълүмат белән <a href="https://kzn.ru/meriya/press-tsentr/novosti/kazantsy-mogut-opublikovat-v-sotssetyakh-portrety-rodstvennikov-uchastvovavshikh-v-velikoy-otechestv/" target="_blank">сылтама</a> буенча танышырга мөмкин. </p> <h3> Медицина учреждениеләре үзгәртелгән график буенча эшләячәк </h3> <p> Май бәйрәмнәрендә Казанда медицина учреждениеләре эш графигын үзгәртәчәк. Бу өлкәннәр һәм балалар поликлиникаларына, стоматологиягә кагылачак. </p> <p> Балалар поликлиникалары 9, 12 нче майда – 9:00 дән 18:00 гә кадәр, ә 10, 11 нче майда 8:00 дән 19:00 гә кадәр эшләячәк. Өлкәннәр исә бу көннәрдә медицина учреждениеләренә 20:00 гә кадәр мөрәҗәгать итә алачак. </p> <p> Балалар стоматология поликлиникалары 9, 10 һәм 11 нче майда 9:00 дән 17:00 гә кадәр ачык булачак. 12 нче майда теш табиблары якшәмбе графигы буенча эшли. Өлкәннәрне табиблар 10, 11 нче майда – 9:00 дән 18:00 гә кадәр, ә 9, 12 нче майда 9:00 дән 17:00 гә кадәр кабул итәчәк. </p> <p> Стационарлар тәүлек әйләнәсе эшли. Пациентлар территориаль принцип буенча авыруның профиленә карап кабул ителә. </p> <p> Бала тудыру йортларының эш графигы шулай ук үзгәрми. Йөкле һәм бала табучы хатын-кызларны хастаханәгә салу гамәлдәге маршрутлаштыру буенча башкарыла. </p> <p> Өстәмә мәгълүматны кайнар линия телефоны буенча белергә мөмкин: +7(843)558-03-03 (шалтыратулар тәүлек әйләнәсе кабул ителә). </p> <h3> Метрополитен көчәйтелгән эш режимына күчә </h3> <p> 9, 10 нчы майда шәһәр җәмәгать транспорты ял көне графигы буенча эшли. Автобуслар, троллейбуслар һәм трамвайлар пәнҗешәмбе көнне 23:30 сәгатькә кадәр йөреячәк, бу көнне 20:00 сәгатьтән метрополитен көчәйтелгән эш режимына күчә. </p> <p> Шәһәр транспорты маршрутларында барлыкка килгән үзгәрешләр турында <a href="https://kzn.ru/meriya/press-tsentr/novosti/v-den-pobedy-v-kazani-izmenitsya-skhema-dvizheniya-obshchestvennogo-transporta/" target="_blank">сылтама</a> буенча белергә мөмкин. </p> <h3> Кайбер үзәк урамнар хәрәкәт өчен ябыла </h3> <p> 8 нче майның 16:30 сәгатеннән 10 нчы майның 8:00 сәгатенә кадәр Меңьеллык мәйданында (шул исәптән Бауман урамы буенча, Профсоюз урамыннан Батурин урамына кадәр), Профсоюз урамында (Чернышевский урамыннан Бауман урамына кадәр), Кремль яр буенда, Декабристлар (Меңьеллык мәйданыннан С.Хәким урамына кадәр һәм Комсомол урамыннан Меңьеллык мәйданына кадәр), Ташаяк (Мәскәү урамыннан Меңьеллык мәйданына кадәр), Уң як Болак һәм Сул як Болак (Меңьеллык мәйданыннан Чернышевский урамына кадәр), К.Нәҗми, М.Җәлил урамнарында юл ябылачак. Моннан тыш, цирк һәм Үзәк стадион арасындагы юлда транспорт өчен хәрәкәт чикләнә. </p> <p> 8 нче майның 18:00 сәгатеннән 10 нчы майның 3:00 сәгатенә кадәр Бондаренко (Ямашев проспектыннан Маршал Чуйков урамына кадәр ике юнәлештә) һәм Волгоград (Бондаренко урамыннан Короленко урамына кадәр ике юнәлештә) урамнарында автомобиль юлы ябыла. </p> <p> 9 нчы майда 8:00 сәгатьтән 12:00 сәгатькә кадәр Юдинода Революция урамындагы 16 нчы йорттан (корп.1) Ильич урамына кадәрге; Ильич урамындагы 19/43 нче йорттан Лейтенант Красиков урамына кадәрге; Лейтенант Красиков урамындагы 5/34 нче йорттан Бирюзовая урамындагы 3 нче йортка кадәрге участокларда юл ябыла. </p> <p> 9 нчы майда 8:30 сәгатьтән 17:00 сәгатькә кадәр Карл Маркс (Горький урамыннан Лобачевский урамына кадәр), Лобачевский (Большая Красная урамыннан Кремль урамына кадәр), Кремль (Лобачевский урамыннан 1 Май мәйданына кадәр һәм Лобачевский урамыннан Университет урамына кадәр) урамнары буенча автомобильдә йөрү чикләнә. Большая Красная урамыннан Горький урамына кадәр Толстой, Мөштәри, Гоголь, Жуковский һәм Пушкин урамнарында юллар ябыла. Театр урамында – Большая Красная урамыннан Дзержинский урамына кадәр, ә Профессор Нужин урамында Университет урамыннан Пушкин урамына кадәр транспортта узып булмаячак. Университет урамы Кремль урамыннан Профсоюз урамына кадәр ябыла, шулай ук К.Нәҗми һәм М.Җәлил урамнары өчен дә чикләүләр кертелә. </p> <br>

2024-05-08T09:45:38+0300