2, 3 һәм 4 ноябрьдә Казанда хәйрия ярминкәләре узачак

Барлык җыелган чаралар балаларга ярдәм итү өчен күчереләчәк.

(Казан шәһәре KZN.RU, 31-нче октябр). Казанда 2, 3 һәм 4 ноябрьдә хәйрия ярминкәләре узачак. Аларда балалар йорларында, интернатларда һәм махсус мәктәпләрдә тәрбияләнүче балалар, шулай ук сәламәтлекләре ягыннан мөмкинлекләре чикләнгән балаларны тәрбияләүче аналар ясаган әйберләр сатып алырга мөмкин.

Барлык җыелган чаралар балаларга ярдәм итү өчен дарулар алырга, социаль учреждениеләрдә тәрбияләнүче балаларга иҗат белән шөгыльләнү өчен кирәк-яраклар алу өчен күчереләчәк.

“Альпари” хәйрия фонды оештырган ярминкәләр “Тандем” сәүдә-күңел ачу комплексының (Ибраһимов пр., 56) икенче катында 10.00 сәгатьтән 22.00 сәгатькә кадәр узачак, дип хәбәр итә оештыручылар.

Шулай ук укыгыз

Барлык яңалыклар