19 нчы майда Казан белән аэропорт арасында өстәмә шәһәр яны поездлары йөриячәк

Алар «Россия – ислам дөньясы: KazanForum 2023» халыкара икътисадый форумында катнашучыларны йөртәчәк.

Фото: Екатерина Красуцкая

(Казан шәһәре KZN.RU, 16 нчы май). 19 нчы майда Казан – Аэропорт – Казан маршруты буенча өстәмә поездлар йөриячәк. Бу «Россия – ислам дөньясы: KazanForum 2023» халыкара икътисадый форумын уздыру белән бәйле.

Горький тимер юлының «Россия тимер юллары» ААҖ филиалы матбугат хезмәте хәбәр иткәнчә, 7602 нче Казан – Аэропорт рейсы Казан станциясеннән 10:50 сәгатьтә китәчәк, Аэропорт станциясенә 11:10 сәгатьтә киләчәк, 7603 нче Аэропорт – Казан рейсы 13:28 сәгатьтә китәчәк, билгеләнгән станциягә 13:48 сәгатьтә киләчәк.

Электричкалар арадаш тукталышларсыз барачак. Шәһәр яны поездларының йөрү графигы белән тулырак +7(937)625-04-33 телефон номеры буенча, «Россия тимер юллары пассажирларга» мобиль кушымтасында, шулай ук «Содружество» АҖ сайтында танышырга мөмкин.

Исегезгә төшерәбез, форум Татарстан башкаласында 18-19 нчы майда узачак. Чараларда дөньяның 80 иленнән 11 мең вәкил катнашачак. Форумны Казанда уздыру бөтен ил күләмендә зур әһәмияткә ия, дип ассызыклады күптән түгел эшлекле дүшәмбедә шәһәр Мэры Илсур Метшин.

Шулай ук укыгыз

Барлык яңалыклар