19 нчы майда Казан – Аэропорт – Казан маршрутында өстәмә шәһәр яны поездлары йөриячәк

Бу «Россия – Ислам дөньясы: KazanForum 2023» халыкара икътисадый форумын уздыру белән бәйле.

Фото: Казан шәһәре KZN.RU

(Казан шәһәре KZN.RU, 12 нче май). 19 нчы майда ТР башкаласы белән аэропорт арасында өстәмә шәһәр яны поездлары йөриячәк. Бу «Казан Экспо» халыкара күргәзмә үзәгендә «Россия – Ислам дөньясы: KazanForum 2023» халыкара икътисадый форумын уздыру белән бәйле.

Шул рәвешле, 7602 нче номерлы электричка Казан станциясеннән 10:50 сәгатьтә китәчәк һәм Аэропорт станциясенә 11:10 сәгатьтә киләчәк. 7603 нче номерлы состав һава аланыннан 13:28 сәгатьтә китәчәк, ТР башкаласына 13:48 сәгатьтә килеп җитәчәк.

Шәһәр яны поездлары арадаш тукталышларсыз барачак, дип хәбәр итә «Содружество» АҖ матбугат хезмәте.

Электричкалар расписаниесе турында тулырак мәгълүматны +7(937)625-04-33 телефоны буенча, «Россия тимер юллары – пассажирларга» мобиль кушымтасында һәм шәһәр яны пассажирлар компаниясе сайтында белергә мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар