19 март Казан һәм аэропортны өстәмә электричкалар тоташтырачак

Бу XIII Республика ифтарын уздыру белән бәйле

19 мартта Казаннан аэропортка өстәмә электричка билгеләнәчәк. Бу III Республика ифтарын уздыру белән бәйле, ул бу көнне «Казан ЭКСПО» Халыкара күргәзмәләр үзәгендә узачак.

Мәсәлән, 7602 номерлы Казан-Аэропорт поезды Казан станциясеннән 15.40 сәгатьтә китәчәк, аэропортка 16.00 сәгатьтә килеп җитәчәк. 7603 номерлы поезд составы кире юнәлештә 19.54 сәгатьтә китәчәк, Казан станциясенә 20.21 сәгатьтә килеп җитәчәк.

Поездлар арадаш тукталышларсыз йөриячәк, дип хәбәр итә «Содружество» АҖ матбугат хезмәте.

Барлык маршрутлар буенча тулырак мәгълүматны шәһәр яны пассажир компаниясе сайтында, «Россия тимер юллары пассажирларга» мобиль кушымтасында яисә +7(937)625-04-33 телефоны буенча белергә була (шалтыратулар тәүлек буе кабул ителә).

Шулай ук укыгыз

Барлык яңалыклар