Казанда 18 ноябрьдә «Росплазма» кан үзәге филиалында донор акциясе узачак

Казанда 18 ноябрьдә «Росплазма» кан үзәге филиалында донор акциясе узачак

<p> Казанда 18 ноябрьдә көзге донор акциясе узачак. 55 килограммнан артык авырлыктагы һәм сәламәтлеге торышына каршы килмәгән балигъ яшьтәге гражданнар кан бирә ала. </p> <p> Иреклеләрне 8:00 дән 12:00 гә кадәр Островский урамы, 69 адресы буенча кабул итәчәкләр. Акциядә катнашучыларны бәйрәм рухы һәм сувенирлар көтә. </p> <p> Мәйданчыкта теләүчеләр сөяк мие донорлары регистрына керә алачак – бу очракта үз мәгълүматларын регистратурада калдырырга кирәк, дип хәбәр итә «Игелекле Казан» матбугат хезмәте. </p> <p> Донация критерийлары турында <a target="_blank" href="https://donorsearch.org/requirements/">сылтама</a> буенча белергә мөмкин. Катнашу өчен +7(800)201-86-55 телефоны буенча теркәлү узарга кирәк. </p> <p> Акция Росплазманың Казан филиалы тарафыннан «Игелекле Казан» белән берлектә DonorSearch.org кан донорлары берләшмәсе, «Татнефть» хәйрия фонды һәм гражданлык җәмгыяте үсешенә юнәлтелгән ТР рәисе гранты ярдәмендә үткәрелә. </p>

2024-11-14T12:23:29+0300