18 нче февральдә «Черек күл» паркы шугалагында мәхәббәт турында фильмнар күрсәтеләчәк

Килүчеләр «Леди и бродяга», «Вам и не снилось» һәм «Служебный роман» кинокартиналарын карый алачак.

Фото: Денис Гордийко

(Казан шәһәре KZN.RU, 17 нче февраль). 18 нче февральдә Казанның «Черек күл» паркында шугалакта мәхәббәт турында фильмнар күрсәтеләчәк.

Шәһәрлеләр «Леди и бродяга», «Красавица и чудовище» мультфильмнарын, «Вам и не снилось», «Римские каникулы», «Служебный роман» һәм «Ла-Ла Ленд» фильмнарын карый алачак, дип хәбәр итә Казан Башкарма комитетының Парклар һәм скверлар дирекциясе.

Киномарафон 10:00 сәгатьтә башланачак һәм шугалакны ябуга кадәр барачак. 15:00 сәгатьтә шугалакны чистарту өчен тәнәфес планлаштырылган.

Исегезгә төшерәбез, шугалакта үз тимераякларың белән шуарга яки аларны арендага алырга мөмкин. Шәһәрлеләр өчен 400 пар тимераяк әзерләнгән.

Шулай ук укыгыз

Барлык яңалыклар