18 нче августта Казан шәһәр Думасының чираттан тыш XVI сессиясе була

Депутатлар 10 мәсьәлә буенча фикер алышырга планлаштыра.

Фото: Денис Гордийко

(Казан шәһәре KZN.RU, 16 нчы август). 18 нче августта Татарстан башкаласы Башкарма комитетында дүртенче чакырылыш Казан шәһәр Думасының чираттан тыш XVI сессиясе була. Утырыш 9:00 сәгатьтә башлана.

Депутатлар 10 мәсьәлә буенча фикер алышырга җыена:

Казан шәһәр Думасының «Казан шәһәре муниципаль берәмлегенең 2022 елга һәм 2023, 2024 елларның планлы чорына бюджеты турында»гы карарына үзгәрешләр кертү турында;

Казан шәһәр Думасының 2020 елның 12 нче августыннан чыккан «Казан шәһәренең Яшьләр парламенты турында»гы 14-41 нче номерлы карарына үзгәрешләр кертү турында;

Казан шәһәренең Җирдән файдалану һәм төзелеш кагыйдәләренә территориаль зона – җитештерү-коммуналь объектларның тирә-юньгә тискәре йогынтысын аз гына үзгәртү өлешендә үзгәрешләр кертү турында (П2);

Казан шәһәренең Җир биләмәләреннән файдалану һәм төзелеш кагыйдәләренә иҗтимагый-эшлекле билгеләнештәге объектларны урнаштыруның территориаль зонасы чикләрен үзгәртү өлешендә үзгәрешләр кертү турында (ОД);

Казан шәһәренең Җирдән файдалану һәм төзелеш кагыйдәләренә иҗтимагый-җитештерү объектларын урнаштыруның территориаль зонасы чикләрен үзгәртү өлешендә үзгәрешләр кертү турында;

Казан шәһәренең Җир биләмәләреннән файдалану һәм төзелеш кагыйдәләренә урам-юл челтәре (УДС), табигый-рекреацион комплекс (ПРК), махсус билгеләнештәге яшелләндерү (ОСН), яр буе территорияләре (ПТ) территориаль зоналарының подзоналарын күрсәтеп ясалган шәһәр төзелеше зоналаштыру картасында урам-юл челтәре (УДС) подзоналары чикләрен үзгәртү өлешендә үзгәрешләр кертү турында;

Казан шәһәренең Җирдән файдалану һәм төзелеш кагыйдәләренә табигать территорияләренең (Р1) территориаль зоналары чикләрен үзгәртү, территорияне фактта файдалану (Ф) өлешендә үзгәрешләр кертү турында;

Казан шәһәр Думасының «Казан шәһәре муниципаль берәмлеге Уставына үзгәрешләр кертү турында»гы карары проекты буенча гавами тыңлаулар турында;

Төрлесе.