17 ноябрьдә Казанда юеш кар һәм пыскак яңгыр явачак

Шәһәрлеләрне һәм Татарстан башкаласы кунакларын юлларның аерым өлешләрендә бозлавык хасил булу ихтималлыгы турында кисәтәләр.

(Казан шәһәре KZN.RU, 16-нчы ноябрь). Иртәгә көндез, 17 ноябрьдә, Казанда юеш кар һәм пыска яңгыр фаразлана. Татарстан буенча аязучан болытлы һава һәм көньяк-көнбатыштан уртача тизлектә җил көтелә. төнлә терекөмеш баганалары минус 5-7 градуска кадәр төшәчәк, көндез +1 градуска кадәр күтәреләчәк.

Киләсе ял көннәрендә Татарстанда аязучан болытлы һава һәм көнбатыштан һәм көньяк-көнбатыштан уртача тизлектә җил фаразлана. Шимбәгә каршы төндә һәм 17 ноябрьдә иртән һәм көндез урыны белән юеш кар һәм пыскак яңгыр көтелә. Төнлә һаваның минималь температурасы минус 4-9 градус тәшкил итәчәк, көндез һава 1 градуск кадәр җылыначак. Якшәмбе төнлә һәм иртән урыны белән бераз кар явачак, көндез явым-төшем күзәтелми. Төнлә һаваның минималь температурасы минус 3-8 градус тәшкил итәчәк, аяз вакытларда–минус 11. Көндез терекөмеш баганалары 0 градуска кадәр күтәреләчәк. ТР буенча Гидрометеорология һәм әйләнә-тирә мохитне күзәтү идарәсе хәбәр иткәнчә, юлларның аерым өлешләрендә бозлавык булырга мөмкин.

Шулай ук укыгыз

Барлык яңалыклар