В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
15.05.2020, 14:40
16 майда Казанда +15 градус җылылык көтелә
Бүген төнлә бераз яңгыр явачак.
(Казан шәһәре KZN.RU, 15-нче май). 16-нчы майда Казанда аязучан болытлы һава торышы фаразлана. Төнлә урыны белән яңгыр явачак, шимбә көндез явым-төшем көтелми. Көньяк-көнбатыштан төньяк-көнбатышка таба күчә торган талгын җил фаразлана. Төнлә 4-6 градус, көндез 13-15 градус җылы булачак.
Гомумән алганда, республикада да аязучан болытлы һава торышы көтелә, вакыты белән яңгыр явачак. Җил көньяк-көнбатыштан төньяк-көнбатышка күчүчән, уртача тизлектә, урыны белән көчәйгәндә тизлеге секундына 15-16 метрга кадәр җитәчәк. Төнлә температура +3 градустан +8 градуска кадәр, көндез +12-дән +17 градуска кадәр булачак.
Якшәмбе көнне, 17-нче майда, көндез республикада шулай ук урыны белән бераз яңгыр явачак. Көньяк-көнбатыштан талгын җил исәчәк. Якшәмбегә каршы төндә һава температурасы +2-дән +7 градуска кадәр җылы булачак, көндез 15-20 градус җылылык көтелә, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Шулай ук укыгыз
-
30.11.2025, 09:03 -
29.11.2025, 12:10 -
29.11.2025, 11:00 -
29.11.2025, 09:30