16 майда Казанның Идел буе районындагы йортларда тәүлек дәвамында су булмаячак

Суны Вишневка һәм Салмачы бистәләрендә туктатып торачаклар.

(Казан шәһәре KZN.RU, 15-нче май). 16-нчы майда Казанның Идел буе районындагы кайбер йортларда тәүлек дәвамында су булмаячак. Бу суүткәргеч челтәрләрендә ремонт эшләре үткәрелү белән бәйле.

16-нчы май 9.00 сәгатьтән 17-нче май 9.00 сәгатькә кадәр Вишневка һәм Салмачы бистәләренең түбәндәге урамнарында су булмаячак: Балачак, Береговая, Большая, Гөлбакча, Дальний тыкрыгы, Заречная, Звездопадная, Луговая, Малый тыкрыгы, Поднебесная, Тамчы һәм Тау Буе.

Су тутырылган автоцистерналар Гадәттән тыш хәлләр министрлыгында (янгын куркынычсызлыгын тәэмин итү өчен), мәктәпкәчә балалар учреждениеләрендә, кабул ителгән гаризалар нигезендә халык өчен урнаштырылачак.

Шулай ук укыгыз

Барлык яңалыклар