16 майда Казанда һава температурасы +22-24 градус булачак

Вакыты белән давыллы җил һәм яшенле яңгыр көтелә.

(Казан шәһәре KZN.RU, 15-нче май). 16-нчы майда Казанда аязучан болытлы һава көтелә. Вакыты белән яңгыр, урыны белән яшен булачак. Көньяк-көнчыгыштан төньяк-көнбатышка күчә торган талгын җил, яшен вакытында секундына 15-20 метрга кадәр көчәергә мөмкин.

Һава температурасы төнлә +15-17 градус, көндез – +22-24 градус булачак.

Республиканың күпчелек районнарында яңгырлар явачак, урыны белән көчле яңгырлар булыр дип фаразлана. Яшен, урыны белән көчле яңгыр һәм боз көтелә. Көньяк-көнчыгыштан төньяк-көнбатышка күчә торган талгын җил, урыны белән давыллап секундына 15-20 метрга кадәр, урыны белән 24 метрга кадәр көчәергә мөмкин. Төнлә һава температурасы 13-18 градус, көндез – 21-дән 26 градуска кадәр җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар