16 мартта Горки-Әмәт урманында скандинавия йөреше буенча ярыш узачак

Ярыш призерларына истәлекле бүләкләр биреләчәк.

(Казан шәһәре KZN.RU, 13-нче март). 16-нчы март көнне Казанның Горки-Әмәт урманында барлык теләүчеләр скандинавия йөреше буенча массакүләм кышкы йөгерештә катнаша ала.

Акциянең максаты – халыкның игътибарын физик йөкләнеш рәвешендәге профилактикалау – скандинавия йөреше ярдәмендә инсульт проблемасына җәлеп итү, дип хәбәр итә ТР Сәламәтлек саклау министрлыгы матбугат хезмәте.

Катнашучылар ике дистанциянең берсен узачак: йөреш техникасын үтәп 1,3 яки 5 км. Һәр катнашучыны үзенең уникаль номеры һәм дистанцияне үтү вакыты белән диплом көтә. Ярыш призерларына истәлекле бүләкләр биреләчәк.

Йөрештә катнашучыларга махсус таяклар белән уңайлы киемдә килергә кирәк. Ярышлар 12.00 сәгатьтә башланыр дип көтелә.

Катнашу өчен алдан ук 8-987-423-91-22 яки 8-917-921-96-51 телефон номерларына шалтыратып, теркәлү узарга кирәк, шалтыратулар эш көннәрендә 9.00 сәгатьтән 17.00 сәгатькә кадәр кабул ителә.

Шулай ук укыгыз

Барлык яңалыклар