16-17 июнь көннәрендә Казанда «Сукно бистәсендә Рух көне» фестивале узачак

Бәйрәм «Әкият» курчак театры янында һәм Изге Рух Иңүе гыйбадәтханәсе территориясендә узачак.

(Казан шәһәре KZN.RU, 7-нче июнь). 16-17 июнь көннәрендә Казанда «Сукно бистәсендә Рух көне» дигән IV православие шәһәр фестивале узачак, ул Изге Рух Иңү Гыйбадәтханәсенең гыйбадәтханә бәйрәме һәм Троица билгеләп үтү вакытында халык һәм рухи мәдәниятләрне берләштерә.

Бәйрәм ике мәйданчыкта узачак: «Әкият» курчак театры янындагы «Чәчәк фестивале» мәйданчыгында һәм Изге Рух Иңү гыйбадәтханәсе территориясендә. Бәйрәм Казан һәм Татарстан митрополиты Феофан фатихасы буенча уздырыла.

Традиция буенча фестиваль программасы бик күп активлыкларны үз эченә ала - тарихи урында «Суконка» ярминкәсе, халык һөнәрләре буенча мастер-класслар, уникаль «Балалар патшалыгы» һәм «Казак шәһәрчеге» тематик зонасы эше.

Музыка программасында фестивальнең беренче көнендә, 16-нчы июньдә, Россия этномузыкантлары белән гала-концерт оештырылачак. Алар арасында: Folk Fiction (Казан), «Возвращение» (Мәскәү), Таисия Краснопевцева (Мәскәү), Странніки (Пенза), ТЕСТО (Санкт-Петербург) бар, бәйрәмнең икенче көнен «Древнерусский распев» (Мәскәү) хорының рухи музыка концерты тәмамлый. Шулай ук бәйрәм кысаларында Казан православие һәм фольклор коллективлары концерты, гармун көйләренә биюләр белән яшьләр кичәсе узачак.

2018 елда «Сукно бистәсендә Рух көне» фестивале 4 меңнән артык төрле яшьтәге шәһәрлене үзенә җыйды, ул 10 сәгатьтән артык музыка, Россиянең һәм Татарстанның 100-дән артык фольклор һәм рухи музыка башкаручыларын, 20-гә якын мастер-класс һәм лекцияләрне берләштерде.

2019 елда «Сукно бистәсендә Рух көне» бәйрәменең тулы мәдәни һәм музыкаль программасын фестиваль сайтында, социаль челтәрләрдә бәйрәмнең рәсми төркемнәрендә табарга була.

Шулай ук укыгыз

Барлык яңалыклар