15 майда Казан «Россия суы» экологик акциясенә кушылачак

15 майда Казан «Россия суы» экологик акциясенә кушылачак

<p> (Казан шәһәре KZN.RU, 13-нче май). Татарстан халкы һәм казанлылар «Россия суы» бөтенроссия экологик акциясендә катнаша ала. Традицион «Чиста Идел көннәре» кысаларында марафонга 15-нче майда Бишбалта бистәсе (Идел зонасы яр буе) территориясендә кушылырга мөмкин булачак. </p> <p> Шәһәр халкы Идел дәүләт су транспорты университетының Казан филиалы студентлары, «Чиста булачак» яшьләр хәрәкәте активистлары һәм мәктәп укучылары белән бергәлектә елганың яр буе полосасын чүп-чардан чистартачак, су пробасын алачак, ә дайверлар елга төбен чүп-чардан арындырачак. Чараны Татарстан Экология һәм табигый байлыклар министрлыгы Рус география җәмгыяте белән берлектә оештыра. </p> <p> Узган ел Татарстан Республикасы территориясендә яр буе зоналарын чистарту буенча акциядә 2 мең кеше катнашкан, алар 3,5 мең капчык чүп җыйган. Быел хәрәкәткә якынча 4,5 мең кеше җәлеп ителер дип көтелә, алар бергәләшеп 90-нан артык су объектлары территориясен чистартырга ярдәм итәр дип көтелә, дип хәбәр итә ТР Экология һәм табигый ресурслар министрлыгы матбугат хезмәте. </p> <p>   </p>

2019-05-13T15:00:00+0300