15 нче апрельдә Казан шәһәр Думасының XIII сессиясе була

Депутатлар 12 мәсьәлә буенча фикер алышырга планлаштыра.

Фото: Денис Гордийко

(Казан шәһәре KZN.RU, 11 нче апрель). 15 нче апрельдә Ратушада дүртенче чакырылыш Казан шәһәр Думасының XIII сессиясе була. Утырыш 10.00 сәгатьтә башлана.

Депутатлар 12 мәсьәлә буенча фикер алышачак:

Казан шәһәре төзелеш тармагының 2021 елдагы эш нәтиҗәләре турында;

Казан шәһәре муниципаль берәмлегенең 2021 елга бюджеты үтәлеше турында;

Инвестицион проектлар буенча конкурс нигезендә муниципаль гарантияләрне бирү тәртибе турында;

Казан шәһәре районнары чикләрен үзгәртү мәсьәләсе буенча ачык тыңлаулар үткәрү турында;

Казан шәһәр Думасының закон чыгару инициативасы турында;

Казан шәһәр Думасының «Казан шәһәрендә ачык тыңлаулар һәм җәмәгать фикер алышуларын оештыру һәм үткәрү тәртибе турында»гы карарына үзгәрешләр кертү турында;

Казан шәһәр Думасының «Казан шәһәренең муниципаль милкен хосусыйлаштыруның 2020-2022 елларга фараз планы (программасы) турында»гы карарына үзгәрешләр кертү турында;

Казан шәһәре районнары администрацияләре нигезләмәләренә үзгәрешләр кертү;

Казан шәһәре Башкарма комитетының структур бүлекчәләре нигезләмәләренә үзгәрешләр кертү турында;

Инициативалы проектларны карау буенча комиссиягә кандидатуралар тәкъдим итү турында;

Казан шәһәре Уставына үзгәрешләр кертү турында;

Төрлеләр.