14 октябрьдә Казанда КФҮнең «Мәскәү» офисында күрсәтелә торган хезмәтләр исемлеге чикләнәчәк

Бу көнне офиста әзер документлар биреләчәк һәм хезмәтләр күрсәтүгә кәгазь рәвештә гаризалар кабул ителәчәк.

Фото: Денис Гордийко

(Казан шәһәре KZN.RU, 13-нче октябрь). 14-нче октябрьдә Казанда КФҮнең «Мәскәү» офисында күрсәтелгән хезмәтләр исемлеге чикләнәчәк. Бу электр энергиясен сүндерү белән бәйле.

Бу көнне офиста әзер документлар биреләчәк, шулай ук хезмәтләр күрсәтүгә кәгазь гаризалар кабул ителәчәк. Шулай итеп, казанлылар Россия Федерациясе гражданины паспортын һәм иске үрнәктәге чит ил паспортын рәсмиләштерүне, яшәү урыны буенча теркәлүне, миграция исәбен алуны, мәктәпкәчә учреждениеләргә чиратка басуны, балигъ булмаган балаларның күчемсез милеген читләштерүгә опека рөхсәтен алуны, СНИЛС, ИНН сорап мөрәҗәгать итә алачаклар.

Башка мәсьәләләр буенча күпфункцияле үзәкнең якындагы офисларына мөрәҗәгать итәргә мөмкин: «Зареченский» (Гагарин ур., 103), «Авиатөзелеш» (Максимов ур., 1) һәм «Яңа Савин» (Ямашев пр., 82), дип хәбәр ителә «Минем документлар» интернет-порталында.

Шулай ук укыгыз

Барлык яңалыклар