13 гыйнвар көнне Казанда кар һәм буран фаразлана

Көндез максималь һава температурасы 5-7 градус салкын булачак.

Фото: Казан шәһәре KZN.RU

(Казан шәһәре KZN.RU, 12-нче гыйнвар). 13-нче гыйнварга каршы төндә синоптиклар Казанда аязучан болытлы һава көтелә, дип фаразлый. Төнлә һәм көндез кар явачак, көндез урыны белән буран көтелә. Җил көньяк-көнчыгыштан уртача тизлектә, көндез – көньяк-көнбатыштан уртача тизлектә. Казанда алдагы төндә –13–15 градус, көндез –5–7 градус салкын булачак. Юлларда бозлавык булуы ихтимал.

Гомумән алганда, Татарстан буенча аязучан болытлы һава торышы фаразлана. Вакыт-вакыт кар явачак, көндез аерым районнарда буран булачак. Җил көньяк-көнчыгыштан уртача тизлектә, көндез урыны белән секундына 15 метрга кадәр җитәчәк. Төнлә һаваның минималь температурасы –12 градустан –17 градуска кадәр, аязган вакытта республиканың көнчыгышында – 18 градустан 23 градуска кадәр тәшкил итәчәк. Көндез һаваның максималь температурасы –4 градустан –9 градуска арасында тирбәләчәк. Юлларда бозлавык, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Россия Гадәттән тыш хәлләр министрлыгының Татарстан Республикасы буенча баш идарәсе көчле буран чыккан очракта биналардан бары тик аерым очракларда гына чыгарга киңәш итә. Машинада бары тик киң юллар һәм шоссе буенча гына хәрәкәт итәргә мөмкин. Машинадан чыкканда күз күреме начар булган урынга китмәү яхшырак.

Машина йөртүчеләргә, бигрәк тә ерак араларга барырга планлаштыручыларга, машинаның техник торышына аеруча игътибар итәргә кирәк. Ягулыкны тикшерелгән автозаправка станцияләрендә салу мөһим. Алдан ук җылы әйберләр һәм продуктлар тупларга, үзең белән мобиль телефон өчен зарядка җайланмасы алырга кирәк.

Шулай ук укыгыз

Барлык яңалыклар