13 сентябрьдә Казанда җылы һава торышы саклана

Явым-төшем көтелми, көндез һава температурасы +23-25 градус булачак.

(Казан шәһәре KZN.RU, 12-нче сентябрь). 13-нче сентябрьдә Казанда синоптиклар алмашынучан болытлы һава фаразлый, явым-төшем көтелми. Көньяк-көнбатыштан талгын җил исәчәк. Төнге сәгатьләрдә һава температурасы 8-10 градус җылы булачак. Көндез һава +23-25 градуска кадәр җылыначак.

Тулаем Татарстан буенча шулай ук алмашынучан болытлы һава көтелә, төнлә һәм иртән аерым районнарда томан булачак. Көньяк-көнбатыштан салмак, көндез талгын җил. Төнлә һаваның минималь температурасы – 6-11, көндез 21-дән 26 градуска кадәр җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар