ТР башкаласында бер тәүлектә 106 юл-транспорт һәлакәте теркәлгән

348 машина йөртүче һәм 71 җәяүле административ җаваплылыкка тартылган

Узган тәүлектә Казанда 106 юл-транспорт һәлакәте теркәлгән. Биш очракта зыян күрүчеләр бар. Өч пассажир, велосипедчы һәм ике машина йөртүче төрле дәрәҗәдәге җәрәхәтләр алган.

Мәсәлән, кичә төш вакытында 71 яшьлек машина хуҗасы, Чуйков урамы тирәсендәге территориядән юлга чыкканда, велосипедчыны бәрдергән. 25 яшьлек егеткә медицина ярдәме кирәк булган.

Россия Эчке эшләр министрлыгының Казан буенча идарәсе дәүләт автоинспекциясе мәгълүматлары буенча, кичә юл йөрү кагыйдәләрен бозган өчен административ җаваплылыкка 348 машина йөртүче һәм 71 җәяүле җәлеп ителгән. 67 кеше куркынычсызлык каешын куллану кагыйдәләрен санга сукмады. 27 машина иясе җәяүлеләргә юл бирмәгән. Исерек хәлендә 10 машина йөртүче тоткарланган.

Шулай ук укыгыз

Барлык яңалыклар