10 спектакль һәм 2 гала-концерт: февраль аенда Казанда Шаляпин фестивале узачак

10 спектакль һәм 2 гала-концерт: февраль аенда Казанда Шаляпин фестивале узачак

<p> (Казан шәһәре KZN.RU, 14-нчы декабрь). Киләсе елның 1 февраленнән 23 февраленә кадәр М.Җәлил исемендәге Татар дәүләт опера һәм балет академия театрында Ф.И.Шаляпин исемендәге XXXVII Халыкара опера фестивале узачак. Аның программасын 10 спектакль һәм 2 гала-концерт тәшкил итәчәк.<br> </p> <p> Фестивальне Н.Римский-Корсаковның "Патша кәләше" ("Царская невеста") операсы премьерасы ачачак. Режиссер Михаил Панджавидзеның яңа спектакле классик өслүбтә сакланган, ә тамашачыларны технологик сценография, ачык стильле костюмнар көтә. </p> <p> Илебез классикасының шедеврларын тәкъдим итүче опера блогын "Евгений Онегин" һәм "Пиковая дама" спектакльләре дәвам итәчәк, анда төп партияләрне Россиянең Зур театры солистлары башкарачак. </p> <p> Программага чит ил композиторларыныңы спектакльләре керә - Дж.Пуччининың "Мадам Баттерфляй" һәм "Турандот", Дж.Вердиның "Аида", "Набукко" һәм "Травиата". "Набуккода" Германия җырчысы Борис Стаценко (Навуходоносор) һәм "Яңа Опера" солисты Виктория Ярова (Фенена) чыгышы көтелә. </p> <p> Фестиваль программасын М.Җәлил исемендәге Татар дәүләт академия опера һәм балет театрының чакырылган йолдызлары һәм солистлары катнашында ике гала-концерт төгәлләячәк. </p> <p> Тулырак афиша kazan-opera.ru театрның рәсми сайтында урнаштырылган ("Афиша" бүлегендә). </p> <p> Исегезгә төшерәбез, Ф.И.Шаляпин ис. халыкара опера фестивале - Россиянең опера сәнгатенең иң өлкән форумы. Фестивальгә 1982 елда нигез салына, аз гына вакыт эчендә ул Бөтенроссия (1985) һәм халыкара (1991) статусын ала. </p>

2018-12-14T15:20:17+0300