10 октябрьдә Казанның Яңа Савин районында тәүлеккә якын су булмаячак

Су белән тәэмин итүне туктату Гаврилов урамында урнашкан кайбер йортларга кагылачак.

(Казан шәһәре KZN.RU, 9-нчы октябрь). 10-нчы октябрьдә Казанның Яңа Савин районында урнашкан кайбер йортларда тәүлеккә якын су булмаячак. Бу суүткәргеч челтәрләрендәге эшләр белән бәйле.

10-нчы октябрь 9.00 сәгатьтән 11-нче октябрь 6.00 сәгатькә кадәр су түбәндәге адреслар буенча булмаячак: Гаврилов ур., 10а, 10в/1, 10в/2, 10д, 23, 23б, 23в, 28а, 28г.

«Водоканал» муниципаль унитар предприятиесе халыкка алдан ук су алып кую зарурлыгы хакында искәртә. Су тутырылган автоцистерналар килгән гаризалар буенча урнаштырылачак.

Шулай ук укыгыз

Барлык яңалыклар