«Сәламәтлек – иң зур байлык. Бергәләп атлыйк 10 000 адым»: казанлыларны Россия күләмендә уздырыла торган чарага чакыралар

«Сәламәтлек – иң зур байлык. Бергәләп атлыйк 10 000 адым»: казанлыларны Россия күләмендә уздырыла торган чарага чакыралар

<div class="detail-picture"> <img src="https://kzn.ru/upload/iblock/535/53573fb4272266c4c72a2c41b279fe5b.jpg"> <p class="detail-picture__caption"> Марат Мөгыйнов фотосы </p> </div> Татарстан башкаласында 6 апрель көнне Бөтендөнья сәламәтлек көненә багышланган «Тормышка 10 000 адым» дип аталган Россия күләмендәге акция үткәрелә. Чараны үткәрү өчен төп мәйданчык буларак Урицкий паркы сайланган. <p> Башкала халкы акциянең төп максаты итеп билгеләнгән 10 мең адымны бергәләп атлар, дип көтелә. Чара кунаклары өчен шулай ук инструкторлар җитәкчелегендә саф һавада массакүләм күнегүләр ясау чарасы һәм скандинавия йөреше буенча мастер-класс әзерләнә. </p> <p> Мәйданчыкта интерактив зоналар эше каралган: теләге булган һәр кеше кан басымын үлчи, шулай ук кандагы шикәр һәм холестерин күләмен тикшерә ала. Моннан тыш, волонтерлар беренче ярдәм күрсәтүгә өйрәтү буенча кыска курс үткәрәчәк. </p> <p> Акциядә төрле яшьтәге башкала халкы катнаша ала, яшь чикләүләре каралмаган. 9:30 сәгатьтә катнашучыларны терки башлыйлар, акция үзе рәсми рәвештә 10:30 сәгатьтә башлана, дип хәбәр итә Татарстанның Сәламәтлек саклау министрлыгы матбугат хезмәте. </p> <p> Сәламәтлек – иң зур байлык. Саулыгың турында кайгырт! </p> <p>   </p>

2026-04-05T09:08:00+0300