1 сентябрьдә Казанда «Экстремизмга - юк!» айлыгы башлана

Учреждениеләрдә экстремизмга һәм террорчылыкка каршы торуга ярдәм итүче чаралар узачак.

(Казан шәһәре KZN.RU, 26-нчы август). 1-нче сентябрьдә Казанда «Экстремизмга – юк!» айлыгы башлана. Ай дәвамында шәһәрнең гомуми белем бирү учреждениеләрендә һәм мәдәният учреждениеләрендә экстремизмга һәм террорчылыкка каршы торуга ярдәм итүче чаралар узачак.

Әйтик, шәһәр мәктәпләрендә сыйныф сәгатьләре, милләтара һәм конфессияара мөнәсәбәтләрдә укучыларда толерантлыкны үстерүгә юнәлдерелгән ачык дәресләр планлаштырылган. Музейларда экстремизм һәм террорчылыкка каршы торуга ярдәм итә торган лекцияләр, батырлык дәресләре узачак. Шулай ук айлык кысаларында 3-нче сентябрьдә билгеләп үтелә торган террорчылыкка каршы көрәштә теләктәшлек көненә багышланган чаралар оештырылачак.

Шулай ук укыгыз

Барлык яңалыклар