1 нче ноябрьдә ТР башкаласында яшәүчеләрне бозлавык һәм көчле җил көтә

Көндез синоптиклар 1-3 градус җылы вәгъдә итәләр.

Фото: Денис Гордийко

(Казан шәһәре KZN.RU, 31 нче октябрь). 1 нче ноябрьдә Татарстанда төнлә һәм көндез бозлавык булырга мөмкин. Көндез республика халкын көньяк-көнбатыштан, төньяктан тизлеге секундына 15-17 метр булган көчле җил көтә, ТР көнчыгыш районнарында кыска вакытлы буран булачак.

Иртәгә Казанда болытлы. Төнлә явым-төшем көтелми, һава температурасы 0 градустан -2 градуска кадәр. Көндез синоптиклар бераз юеш кар, урыны белән тизлеге секундына 15 метрга җитүче көчле җил һәм 1-3 градус җылы вәгъдә итә. Юлларда бозлавык барлыкка килергә мөмкин, дип кисәтә ТР Гидрометеорология үзәге.

Чәршәмбе, 2 нче ноябрьдә, Татарстанда болытлы һава һәм юеш кар көтелә, урыны белән көчле, шулай ук төньяк, төньяк-көнчыгыштан уртача җил, аерым районнарда секундына 15-18 метрга кадәр көчәячәк. Көндез һаваның иң югары температурасы +2 градус, төнлә минималь температура минус 3 градус булачак. Юлларда бозлавык һәм кар боткасы барлыкка килергә мөмкин.

Пәнҗешәмбе, 3 нче ноябрь, республикада болытлы булачак. Синоптиклар кар явар дип фаразлый, аерым районнарда буран. Төнлә -5 градуска кадәр суыта, көндезге температура +3 тән -1 градуска кадәр тәшкил итәчәк. Юлларда бозлавык һәм кар боткасы булырга мөмкин.

Шулай ук укыгыз

Барлык яңалыклар