1 нче мартта Татарстанда халыкка хәбәр итү системаларын планлы тикшерү узачак

Казан һәм республика районнары халкы сиреналарны 10:40 тан 10:43 кә кадәр ишетә ала.

Фото: Денис Гордийко

(Казан шәһәре KZN.RU, 28 нче февраль, Диана Жиленкова). Иртәгә, 1 нче март көнне, Казанда һәм Татарстан районнарында халыкка хәбәр итүнең автоматлаштырылган системалары тикшереләчәк. Сиреналар 10:40 тан 10:43 кә кадәр яңгыраячак, дип хәбәр итте «Татар-информ»да узган матбугат конференциясендә ТР гражданнар оборонасы эшләре һәм гадәттән тыш хәлләр министры урынбасары Радик Гыйсмәтов.

Мондый тикшерүләр елга ике тапкыр – март һәм октябрь айларында үткәрелә. Быел өстәмә рәвештә халыкка мәгълүмат бирүнең яңа ысулы – push-хәбәрнамәләр кулланылачак, алар алар Россиянең Гадәттән тыш хәлләр министрлыгының мобиль кушымтасы аша юлланачак.

Шулай ук ашыгыч хезмәт автомобильләрендә урнаштырылган тавыш көчәйткечләрне һәм мәчетләрдәге репродукторларны куллану планлаштырыла. Гадәттәгечә, хәбәр итү системаларын техник тикшерү телевидениедә һәм радиода узачак.

Р.Гыйсмәтов сүзләренчә «Внимание всем» сигналын ишеткәч, куркырга кирәкми, мөмкин булганча радиоалгычны яки телевизорны кабызырга кирәк. «Внимание всем» сигналы буенча халыкка нәрсә эшләргә кирәклеге турында тәкъдимнәр трансляцияләнәчәк», - дип искәртте ТР гражданнар оборонасы эшләре һәм гадәттән тыш хәлләр министры урынбасары.

UPD: Халыкка хәбәр итү системаларының әзерлеген комплекслы тикшерүләр үткәрү вакыты күчерелде.

Шулай ук укыгыз

Барлык яңалыклар