Казанның аз керемле гаиләләренә Рамазан аенда 1,5 тонна азык-төлек тарату планлаштырыла

Азык-төлек җыелмаларында көнбагыш мае, карабодай, токмач, дөге яки манный ярмасы, печенье һәм чәй бар.

(Казан шәһәре KZN.RU, 16-нчы май). Казанда аз керемле гаиләләргә азык-төлек җыелмалары таратыла. Алар 83 мохтаҗ кешегә тапшырылган инде. Әлеге чара «Рамазан - игелекле эшләр ае» акциясе кысаларында ТР мөселманнары Диния Нәзарәтенең «Зәкәт» хәйрия фонды тарафыннан үткәрелә.

Изге ай тәмамланганчы 300 гаиләгә барлыгы 1,5 тонна азык-төлек тарату планлаштырыла. Азык-төлек пакетларында көнбагыш мае, карабодай, токмач, дөге яки манный ярмасы, печенье һәм чәй бар.

Азык-төлек җыелмаларын тарату түбәндәге адрес буенча уза: Лобачевский ур., 6. Шулай ук аз керемле гаиләләр азык-төлек ярдәме алу өчен алдан түбәндәге телефон аша языла алалар: 8 (843) 225-33-22.

Моннан тыш, «Рамазан – игелекле эшләр ае» акциясе кысаларында Татарстанда каты авырулы балалар өчен акча җыю бара. Ничек ярдәм итәргә мөмкин булуы турында тулырак мәгълүматны ТР мөселманнарының Диния нәзарәте сайтында табарга була.

Шулай ук укыгыз

Барлык яңалыклар