«Иске шәһәр»дә Россиядә бизнес-класс буенча иң яхшы санала торган торак комплекс төзеләчәк

Николай Столбов урамында төзеләчәк йорт дәрәҗәле бүләккә лаек булды

Казан шәһәр өчен күчемсез торак милке өлкәсендә XIII федераль премияләр буенча җиңүчеләр исемлегенә кертелде. Илнең иң яхшы белгечләрен 22-24 июнь көннәрендә Санкт-Петербургта ачыкладылар. Дәрәҗәле статус өчен 34 төбәктән ике йөздән артык номинант көч сынашкан.

«Vincent 2» торак комплексы «Бизнес-класс буенча төзелә торган иң яхшы торак комплекс» номинациясендә билгеләп үтелгән.

«Vincent 2» торак комплексын Николай Столбов урамы, 11 адресы буенча Иске Татар бистәсендәге Киров бакчасы белән янәшәдә генә төзиләр. Төзелешне 2023 елның икенче кварталында тәмамларга ниятлиләр.