В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
06.08.2021, 17:23
«Иске шәһәр»дә су транспорты университеты кампусын төзү барышы турында фикер алыштылар
Белем бирү учреждениесен «Иске шәһәр» префектурасы чикләрендә Порт урамында төзиләр
Евгений Варакин Татарстан Республикасы Транспорт һәм юл хуҗалыгы министры Фәрит Хәнифов, Вахитов һәм Идел буе районнары башлыгы Марат Закиров катнашында узган күчмә киңәшмәдә катнашты. Әлеге чара кысаларында «Идел буе дәүләт су транспорты университеты»ның Казан филиалындагы базасында кадрлар әзерләү өчен кампус төзү хакында фикер алыштылар.
Киңәшмә барышында Баш инвестиция-төзелеш идарәсе вәкилләре, шулай ук подрядчы оешма җитәкчеләре белән укыту кампусына якын территорияне төзекләндерү буенча берничә мәсьәлә каралды.
Университет шәһәрчегендә укыту корпуслары һәм тулай торак урнашкан. Укыту корпусларын төзекләндерү эшләре федераль бюджет хисабына, 250 студентка исәпләнгән торак корпусны төзү исә республика акчалары хисабына алып барыла.
«Идел буе дәүләт су транспорты университеты» - Россиянең иң борынгы уку йортларының берсе. Аның тарихы 1904 елга барып тоташа. Моннан тыш, бу Татарстанның югары һәм урта һөнәри белем бирү программалары буенча гына укыту эшчәнлеге алып барыла торган бердәнбер югары уку йорты.