«Россия – минем тарих» тарихи паркында МХО геройларына багышланган күргәзмә ачылачак

Экспозиция 21 мартка кадәр эшләячәк

Фотоны «Россия – минем тарихым» паркы матбугат хезмәте тәкъдим итте

Казанда 19 февральдә «Россия – минем тарихым» тарихи паркында «Знание. Герои» («Белем. Батырлар») күргәзмәсенең ачу тантанасы узачак. Мультимедиа экспозициясе махсус хәрби операциядә катнашучыларның батырлыкларына багышланган.

Күргәзмә кунакларына кеше язмышы тарихы аша махсус операция тәкъдим итәчәкләр: һәр залда 33 солдат һәм офицерның язмышы һәм батырлыклары турында цифрлаштырылган хикәяләр белән аерым интерактив экраннар урнаштырылачак. Алар арасында Россия Геройлары Константин Яшин, Александр Малов, Балдан Цыдыпов, Артем Жога, Артур Орлов, Владислав Головин, Виктор Горн, Алексей Калмыков, Максим Михайлов һәм башкалар бар.

«Республика өчен бу проект аерым әһәмияткә ия, тәкъдим ителгән Геройлар арасында Татарстанда туган Дамир Гыйлемханов, Дамир Исламов һәм Иван Жарский дә бар. Андрей Митяшин һәм Артур Орловның уку еллары Казан белән бәйле. Аларның биографияләре хезмәт һәм җаваплылык турындагы гомуми сөйләшүнең бер өлешенә әверелә», – дип хәбәр итә паркның матбугат хезмәте.

Күргәзмәне тантаналы ачу көнендә МХОдә катнашучылар һәм ветераннар күргәзмәгә килүчеләр өчен батырлык дәресләре үткәрәчәк, ә күргәзмә буенча экскурсиядән соң беренче ярдәм күрсәтү буенча мастер-класс оештырылачак.

Күргәзмә 12:00 дә ачыла.

Экспозиция көн саен 10:00 нан 19:00 га кадәр (дүшәмбе – ял көне) Оренбург трактындагы 8 йорт адресы буенча эшләячәк.

Керү ирекле.

Шулай ук укыгыз

Барлык яңалыклар