Яңа ел бәйрәмнәре көннәрендә казанлылар фейерверкларны дүрт мәйданчыкта аттыра алачак

Алар янгын сүндерү чаралары һәм куркынычсызлык техникасы турында плакатлар белән җиһазландырылачак.

Фото: Денис Гордийко

(Казан шәһәре KZN.RU, 27-нче декабрь). Казанда Яңа ел бәйрәмнәре көннәрендә пиротехника аттыру өчен дүрт мәйданчык билгеләнде. Аларны янгын сүндерү чаралары һәм куркынычсызлык техникасы турында кисәтүче плакатлар белән җиһазландырачаклар.

Фейерверкларны түбәндәге мәйданчыкларда аттырырга мөмкин булачак:

Авиатөзелеш һәм Яңа Савин районнарында – Гаврилов урамындагы мәйданда;

Киров һәм Мәскәү районнарында – Түбән Зареченская дамбасында;

Идел буе һәм Вахитов районнарында – Каенлыктагы «Сабантуй» мәйданчыгы каршындагы автомобиль стоянкасында;

Совет районында – ипподром янындагы мәйданчыкта, Нәҗип Җиһанов һәм Петр Полушкин урамнары арасында, дип хәбәр итә Гражданнарны яклау идарәсе.

Исегезгә төшерәбез, 20-нче декабрьдән 2022 елның 9-нчы гыйнварына кадәр Татарстанда янгынга каршы махсус режим кертелә. Ул гамәлдә булган чорда 1-3 класс куркынычлыктагы пиротехник эшләнмәләрне( бенгаль утларыннан һәм хлопушкалардан тыш, билгеле бер территорияләрдә) куллану тыела, шулай ук янгын куркынычсызлыгы таләпләрен бозган өчен административ штрафлар арта.

Шулай ук укыгыз

Барлык яңалыклар