В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
02.03.2026, 16:02
«Театр + Мәктәп»: Казан яшь тамашачы театры драматургия конкурсына гаризалар кабул итүне ачты
Эшләр 31 майга кадәр кабул ителә
Фото: Казан дәүләт яшь тамашачы театры
Конкурс өч номинациядә үткәрелә: «Мәктәп театры өчен иң яхшы бәйрәм сценарие», «Мәктәп театры өчен иң яхшы сәхнә әсәре» һәм «Балалар өчен язалар» (14 яшьтән 18 яшькә кадәрге авторлар иҗат иткән текстлар). Конкурсны уздыру таләпләре, сроклары һәм тәртибе белән Нигезләмәдә танышырга мөмкин.
Катнашу өчен барлык теләүчеләргә сораунамә тутырырга һәм әсәрнең текстын түбәндәге электрон адреска җибәрергә кирәк: teatr_shkola@mail.ru.
Конкурс йомгаклары буенча өч җиңүчене билгелиләр – һәр номинациядә берешәр. Финалга чыгучылар дипломнар һәм акчалата бүләкләр ала. Бүләкләү тантанасы, шулай ук җиңүчеләрнең әсәрләрен уку сентябрьдә Казан дәүләт яшь тамашачы театрында узачак.
Конкурс Татарстан Республикасы Мәдәният министрлыгы һәм Татарстан Республикасы Язучылар берлеге ярдәмендә Татарстан Республикасы Мәгариф һәм фән министрлыгы белән партнерлыкта уздырыла.
Шулай ук укыгыз
-
22.12.2025, 13:07 -
10.12.2025, 11:09 -
07.11.2025, 14:47 -
01.09.2025, 13:24