22 нче апрельдән Татарстанда янгынга каршы махсус режим кертү планлаштырыла

22 нче апрельдән Татарстанда янгынга каршы махсус режим кертү планлаштырыла

<p> </p> <div class="detail-picture"> <img src="/upload/iblock/d0b/d0b59fb87b7ade429750dfd27c719455.jpg"> <p class="detail-picture__caption"> Фото: Марат Мөгыйнов </p> </div> Татарстанда 22 нче апрельдән янгынга каршы махсус режим кертү планлаштырыла. Ул 12 нче майга кадәр гамәлдә булачак. ТР Министрлар Кабинетының тиешле <a href="https://tatarstan.ru/regulation/expertise/list/mchs.htm?corrupt_id=398930" target="_blank">карар проекты</a> карап тикшерү стадиясендә. <p> </p> <p> Бу чорда учак ягу, каты көнкүреш калдыкларын, коры үләннәрне һәм чүп-чар яндыру тыела. Урман янгыннары килеп чыгу куркынычы булган территорияләрдә утка чыдам җайланмаларда, мәсәлән, мангалларда, тимер учакларда ризык әзерләү өчен ачык уттан файдаланырга рөхсәт ителми. Җәмәгать туклануы объектлары моңа керми. </p> <p> Урман янгыннары куркынычы булган торак пунктлар, балалар өчен ял итү һәм аларны сәламәтләндерү оешмалары, бакчачылык яки яшелчәчелек ширкәтләре территорияләрендә 1-3 класслы хәвефлелектәге пиротехник эшләнмәләр куллану шулай ук тыела. </p> <p> Янучан материаллардан ясалган идарә ителми торган эшләнмәләрне дә очыртырга ярамый, аларны югарыга күтәрү принцибы конструкцияләр эчендә ачык ут ярдәмендә һаваны җылытуга нигезләнгән. </p> <p> Исегезгә төшерәбез, узган ел Татарстанда янгынга каршы махсус режим 17 нче апрельдә <a href="https://kzn.ru/meriya/press-tsentr/novosti/osobyy-protivopozharnyy-rezhim-nachnet-deystvovat-v-tatarstane-17-aprelya/" target="_blank">кертелде</a>. Ул 10 нчы майга кадәр дәвам итте. </p> <br>

2024-03-21T17:58:00+0300