Казанлыларны бозга чыгуның куркыныч нәтиҗәләргә китерергә мөмкин булуы турында кисәттеләр

Казанлыларны бозга чыгуның куркыныч нәтиҗәләргә китерергә мөмкин булуы турында кисәттеләр

<p> </p> <div class="detail-picture"> <img src="https://kzn.ru/upload/iblock/e65/e65a5077b3a9dc7f635b63184ba2524c.jpg"> <p class="detail-picture__caption"> Фото: Денис Гордийко </p> </div> Көндез дә, төнлә дә җылы һава торышы урнашу сәбәпле, казанлыларны бозга чыкмаска өндәделәр. Бу хакта аппарат киңәшмәсендә шәһәр Башкарма комитетының гражданнарны яклау идарәсе җитәкчесе Сергей Чанкин хәбәр итте. <p> </p> <p> «Халык арасында яз көне бозга чыгуның куркыныч нәтиҗәләре турында аңлату эшләре алып барыла. Сулыклар кисәтү тасмасы белән әйләндереп алынды, бозга керүне тыючы аншлаглар урнаштырылды. Суларда коткару җәмгыяте әгъзаларын, полиция хезмәткәрләрен һәм беркетмәләр төзүгә вәкаләтле затларны җәлеп итеп, сулыкларга күпләп чыгу урыннарында патрульләр эше активлаштырылды», – дип ассызыклады докладчы. Ул шулай ук язгы каникулларда балаларны контрольдә тотуны көчәйтү темасына ата-аналар җыелышлары үткәрелүен билгеләп үтте. </p> <p> «Балык тотарга яратучыларның кармакларны ераграк җыеп куярга акыллары җитәр, дип ышанасы килә. Ләкин Кабан күле аша кешеләр әле дә йөри – бу бик куркыныч. Без үз чиратыбызда кисәтү чаралары урнаштырдык, әмма вакытлыча постлар да куярга кирәк булмагае», – диде Рөстәм Гафаров. </p> <p>   </p> <br>

2024-03-25T11:38:00+0300