В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
10.08.2021, 10:46
«Иске шәһәр»дә мохтаҗларга өлешләп 150 меңнән артык кайнар ризык таратылган
Авыр тормыш хәлендә калган кешеләргә «Зәкят» хәйрия фонды хезмәткәрләре һәм волонтерлары ярдәм итә
«Иске шәһәр» префектурасында «Зәкят» фонды тарафыннан оештырылган «Мохтаҗларны ашат» хәйрия чарасы дәвам итә. Акция кысаларында билгеле бер яшәү урыны булмаган, авыр тормыш хәлендә калган кешеләргә, инвалидларга һәм ялгыз пенсионерларга кайнар ризык өләшәләр. Мондый затлар өчен махсус һәр дүшәмбе һәм җомга көннәрендә Борһан Шаһиди урамындагы скверда «кыр кухнясы» эшли. Иртәнге сәгать 10 да кайнар ризык бирә башлыйлар. Мохтаҗларга тулы төшке аш – беренче һәм икенче ашлар, икмәк, десерт һәм кайнар эчемлек тәкъдим ителә.
Үзенчәлекле «Иске шәһәр» территориясендә «Мохтаҗларны ашат» акциясе 2018 елдан бирле уздырыла. Шушы вакыт эчендә «Зәкят» хәйрия фонды хезмәткәрләре һәм волонтерлары, рестораторлар һәм битараф булмаган кешеләр арасыннан чыккан меценатлар ярдәме белән, өлешләп 150 меңнән артык ризык таратканнар.