В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
06.04.2022, 15:23
Префект Евгений Варакин казанлыларны бердәмләшеп мәҗбүри күченүчеләргә ярдәм күрсәтергә чакыра
Иске Татар бистәсендә Украинадан мәҗбүри күченүчеләргә ярдәм итү максатыннан хәйрия чарасы башланып китте
«Иске шәһәр» префектурасы Украинадан мәҗбүри күченүчеләргә гуманитар ярдәм күрсәтү йөзеннән хәйрия чарасы игълан итте.
3 нче апрельдә Казанга килгән меңгә якын Украина халкы яшәү өчен иң кирәкле әйберләргә мохтаҗ. Аларга ярдәм итү өчен кием-салым, аяк киеме, кер порошогы, кисәкле сабын, шампунь, юыну өчен гель, теш пастасы, теш щеткалары, тараклар, сөлгеләр, пеленкалар, балалар өчен кирәк-ярак, көнкүреш әйберләре, шул исәптән табаклар, шулай ук хайваннар өчен махсус азык кабул ителә.
Украинадан мәҗбүри күченүчеләргә хәйрия ярдәме күрсәтергә теләүчеләр Шиһабетдин Мәрҗани урамы, 40/1 адресы буенча урнашкан «Иске шәһәр» префектурасы бинасына килеп, күченүче халыкка кирәкле әйберләрне калдырып китә ала. Эш вакыты: сәгать 9:00 дән 18:00 гә кадәр. Белешмәләр өчен телефон номеры: 8 (843) 221-49-83.
«Иске шәһәр» префектурасы битараф булмаган барлык казанлыларны һәм башкаланың хезмәт коллективларын бердәмләшеп хәйрия чарасында актив катнашырга өнди.