Казанда машина тәгәрмәчләре капламын җыю буенча «Катись на переработку» акциясе узачак

Казанда машина тәгәрмәчләре капламын җыю буенча «Катись на переработку» акциясе узачак

<div class="detail-picture"> <img src="https://kzn.ru/upload/iblock/de2/de2d6ebf5c203d2864f53ff7dbeaec39.jpg"> <p class="detail-picture__caption"> Фото: Марат Мөгыйнов </p> </div> Бүген Казанның Киров һәм Мәскәү районнарында «Катись на переработку» экологик акциясе башлана. Район халкы кулланудан чыккан тәгәрмәч капламнарын махсус җыю пунктларына бушлай тапшыра алачак. Җыелган чимал эшкәртүгә җибәреләчәк, аннан юл капламасы ясаячаклар һәм Аккош күле янындагы паркның йөрү юлларын төзекләндергәндә кулланачаклар. Бу хакта Аппарат киңәшмәсендә Киров һәм Мәскәү районнары башлыгы Владимир Жаворонков хәбәр итте. <p> Экологик проект «СИБУР» ширкәте белән берлектә гамәлгә ашырыла. </p> <p> «Экологиягә зыян салуны киметеп, халыкның игътибарын калдыкларны эшкәртүгә җәлеп итү акциянең төп бурычы булып тора. Без калдыкларны җыюга гына басым ясамыйбыз, ә эшкәртелгән материаллардан шәһәр мохитенә яңа сулыш кертәчәк объектлар булдырабыз», – дип аңлатты Владимир Жаворонков. </p> <p> Районнарда 10 җыю пункты эшләячәк: </p> <p> <img width="870" src="https://kzn.ru/upload/iblock/85c/85c87e1afda30a8e5d3af5bce68d020d.png" height="653"><br> </p> <p> Акция 5 апрельгә кадәр дәвам итәчәк. </p> <p> Акция кысаларында якынча 13 тонна икенчел чимал җыелачак, дип саный администрация. Бу 2 меңгә якын машина капламын тәшкил итә. </p> <p> Исегезгә төшерәбез, Казанда шулай ук «Ход пластиком» экологик акция башлана. </p>

2026-03-23T12:42:55+0300