Казан Мэриясенең телеграм-каналы «Медиалидер-2025» премиясендә Россиядә иң яхшысы дип танылды

Бәйгегә бөтен Россиядән һәм якын чит илләрдән 639 гариза кабул ителгән

Казан шәһәре KZN.RU фотосы

Казан Мэриясенең телеграм-каналы дәүләт һәм муниципаль структуралар арасында үткәрелә торган профессиональ «Медиалидер-2025» премиясендә беренче урын алган. Узган көнне Мәскәүдә еллык «PR-эшнең яңа технологияләре – 2025» конференциясе кысаларында бәйгегә йомгак ясалган һәм бүләкләү тантанасы узган.

Бәйгегә Россиянең барлык төбәкләреннән, шулай ук якын чит илләрдән рекордлы 639 гариза кабул ителгән. Бәйгедә катнашучылар арасында – шәһәр администрацияләре, федераль һәм төбәк министрлыклары, Мәскәү һәм Санкт-Петербург дәүләт структуралары.

Үз номинациясендә Казан Мэриясе төрле төбәкләрдән бик көчле һәм тәҗрибәле катнашучылар белән ярышкан. «ТЭК СПб» һәм «Теплосеть Санкт-Петербурга» компанияләренең берләштерелгән телеграм-каналы икенче урында калган, өченче урын Мәскәү шәһәре Спорт департаментының «Московский спорт» рәсми каналына бирелгән.

«Мондый федераль һөнәри бәйгеләр – мәйданчыкларның бәйсез экспертизасы. Алар үсеш нокталарын күрергә ярдәм итә, безнең эш аудитын үткәрергә һәм платформаны шәһәр халкы өчен файдалы итү мөмкинлеген бәяләргә сәбәпче дә. Халыкка каналдагы кире элемтәләре өчен рәхмәт – нәкъ менә әлеге аралашу безгә үсәргә ярдәм итә. Хезмәтебезне югары бәяләүләре өчен чиксез рәхмәтлебез – барлык шәһәрләр арасында иң яхшы телеграм-канал булуның бәһасе бәяләп бетергесез. Бәйге барышында без шулай ук башка шәһәр һәм төбәкләрнең иң яхшы кейсларын өйрәндек, иң яхшы үрнәкләрне үзебездә кулланырга өметләнәбез – безнең каналда калыгыз», - дип билгеләп үтте Казан Башкарма комитетының мәгълүмат-аналитика идарәсе урынбасары Әдилә Галиева.

Жюри проектларны барлыгы 23 номинациядә бәяләгән, иң күп тавыш җыйган 68 эш буенча шорт-бит төзелгән.

Татарстан башкаласы администрациясеннән тагын бер телеграм-канал – шәһәрнең Тышкы төзекләндерү комитетыннан «Казанны төзекләндерү» – иң югары бәяләнгән проектлар рәтенә кереп, «Бәйге отличнигы» статусына ия булган. Махсус статус белән билгеләнгәннәр арасында шулай ук Красноярск администрациясе, Ставрополь дәүләт аграр университеты, Мәскәүнең сәламәтлек саклау департаменты проектлары да бар.

Исегезгә төшерәбез, хәзерге вакытта Казан Мэриясенең рәсми телеграм-каналының 26,2 мең язылучысы бар. Узган ел нәтиҗәләре буенча барлыгы 4,2 мең язма бастырылган, алар халык тарафыннан 26 миллион тапкыр каралган. Башка каналлар 3,3 мең репост һәм 140 мең перепост ясаган. Шәһәр халкы 30 меңгә якын ачыклама язган һәм сорау юллаган.

Казан Мэриясенең телеграм-каналы илебез шәһәрләренең рәсми каналлары арасында әйдәп баручыларның берсе булып тора.

Шулай ук укыгыз

Барлык яңалыклар