Татарстанда көчле кар явуның яңа дулкыны көтелә

Татарстанда көчле кар явуның яңа дулкыны көтелә

<div class="detail-picture"> <img src="https://kzn.ru/upload/iblock/eae/eaef684d7e427370ab20932387636730.jpg"> <p class="detail-picture__caption"> Марат Мөгыйнов фотосы<br> </p> </div> Татарстанга чираттагы яңа карлы циклон якынлаша. Синоптиклар фаразы буенча, республикада һәм аның башкаласында көчле явым-төшем, буран, юлларда бозлавык һәм кар көртләре көтелә. Буран вакытында күз күреме 500-1000 метрга кадәр начарая. Һава торышы актив атмосфера фронтлары узу аркасында сизелерлек үзгәрә. <p> Бүген көндез Казанда көньяк-көнбатыштан исәчәк җил, юнәлешен төньяк-көнчыгышка үзгәртеп, аның тизлеге секундына 14 метрга җитәчәк. Көндез термометрның терекөмеш баганасы -10..-12 градусны күрсәтәчәк. </p> <p> Катлаулы метеошартлар ким дигәндә дүшәмбегә, 2 февральгә кадәр сакланачак. Бу көннәрдә республиканың кайбер районнарында җилнең тизлеге секундына 15–17 метрга кадәр көчәя. Халыкка сак булырга, транспорт чараларын йөртүчеләргә ерак сәфәргә чыгудан тыелып торырга киңәш итәләр. </p> <p> Исегезгә төшерәбез, Казанда 30 гыйнвар киченнән «Буран» планы <a target="_blank" href="https://kzn.ru/meriya/press-tsentr/novosti/v-kazani-ob-yavlen-plan-buran-na-borbu-so-snegopadom-mobilizovany-vse-gorodskie-sluzhby/">гамәлгә кертелде</a>. Узган тәүлектә шәһәр урамнарыннан 26,5 мең тонна кар <a target="_blank" href="https://kzn.ru/meriya/press-tsentr/novosti/za-proshedshie-sutki-s-ulits-kazani-vyvezeno-26-5-tys-tonn-snega-/?lang=ta">чыгарылган</a>. Юлларны эшкәртү өчен бозлавыкка каршы 1,3 мең тонна материал: 476 тонна реагент һәм 908 тонна ком-тоз катнашмасы кулланылган. </p>

2026-01-31T09:54:05+0300