Казан урамнарында бозлавыкка каршы көрәш өчен ком-тоз катнашмасы тутырылган 1,6 мең тартма куячаклар

Казан урамнарында бозлавыкка каршы көрәш өчен ком-тоз катнашмасы тутырылган 1,6 мең тартма куячаклар

<p> Казан урамнарында бозлавыкка каршы көрәш өчен ком-тоз катнашмасы салынган тартмаларны тиешле урыннарга урнаштыра башладылар. Бу чара бозлавык вакытында җәяүлеләрнең иминлеген тәэмин итү максатыннан алып барыла. Гомумән алганда, шәһәр буенча 1,6 мең тартма куелачак. </p> <p> Ком-тоз катнашмасы тутырылган тартмалар, ихтыяҗ булганда, тиз арада кул белән алып сибү өчен каралган. Казанның Тышкы төзекләндерү комитетында хәбәр итүләренчә, тартмалар кеше күп йөри торган урыннарга урнаштырылачак. </p> <p> Катнашманы тротуарларга, җәяүлеләр йөри торган юлларга, җәмәгать транспорты тукталышларына, шулай ук административ, социаль объектлар һәм шәһәр парковкалары янындагы территорияләргә сибәчәкләр. </p> <p> Исегезгә төшерәбез, 15 октябрьдән Казанның юл хезмәтләре кышкы режимда эшли <a target="_blank" href="https://kzn.ru/meriya/press-tsentr/novosti/ilsur-metshin-my-dolzhny-voyti-v-sezon-organizovanno-bez-sboev-zima-yarko-pokazyvaet-kto-rabotaet-a-/?lang=ta">башлады</a>. Кыш көннәрендә шәһәр урамнарында 577 берәмлек махсус техника эшләячәк. Юл хезмәтләре Казанның 20 миллион квадрат метрдан артык урам-юл челтәре өчен җаваплы. </p>

2025-10-31T15:56:01+0300