Казан шәһәре Думасының IV сессиясендә 2025 елга каралган шәһәр бюджетына үзгәрешләр кертелде

Керем өлеше – 58 млрд 584,1 млн сум, чыгым өлеше 67 млрд 242,8 млн сум тәшкил итә

Денис Гордийко фотосы

Казан шәһәре Думасының IV сессиясендә депутатлар Татарстан Республикасы башкаласының 2025 елга каралган бюджетына үзгәрешләр кертте. Керем өлеше – 58 млрд 584,1 млн сумны, чыгым өлеше 67 млрд 242,8 млн сумны тәшкил итә. Бюджет кытлыгы 8 млрд 658,7 млн сум дип бәяләнә, аны каплау өчен шәһәр бюджеты акчалары тотылачак. Утырышны Казан мэры Илсур Метшин уздырды.

Башкарма комитетның Финанс идарәсе башлыгы Ирек Мөхәммәтшин хәбәр иткәнчә, бюджет керемнәре һәм чыгымнары Татарстан Республикасы Хөкүмәте кабул иткән норматив актлар нигезендә бүлеп бирелгән өстәмә финанс ярдәме хисабына 2 млрд 394,5 млн сумга арта.

Материаль чаралар муниципаль учреждениеләрдә эшләүче хезмәткәрләргә кызыксындыру чарасы буларак, грантларга (1,995 млрд), гражданнарны авария хәлендәге торактан күчерүгә (201,1 млн), оешмалар милегенә салым түләүгә (63,5 млн), тышкы төзекләндерү объектларын карап тотуга һәм төзекләндерүгә (52,3 млн), коммуналь техниканы капиталь төзекләндерүгә (44,9 млн), объектлар төзелүгә бәйле рәвештә җир кишәрлекләрен кире алуга (31,2 млн), спорт җиһазлары һәм инвентарь сатып алуга (5,2 млн), шулай ук дәүләт вәкаләтләре тапшырылган чыгымнарга (1,3 млн) юнәлдереләчәк.

Муниципаль учреждениеләрне карап тотуга, район чараларына һәм юл фондын формалаштыруга тотылган чыгымнар 1 млрд 563,2 млн сумга арта.

Нәтиҗәдә, 2025 елга Казан бюджеты күләме керемнәр буенча – 58 млрд 584,1 млн сумны, чыгымнар буенча 67 млрд 242,8 млн сумны тәшкил итә. Бюджет кытлыгы 8 млрд 658,7 млн сум дип бәяләнә, аны каплау өчен шәһәр бюджеты акчалары тотылачак.

Казан шәһәре Думасы депутатлары Татарстан башкаласы бюджетына кертелә торган үзгәрешләрне хуплады.