В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
ТР дәүләт хезмәтләре порталында шәһәр халкына Казансу елгасын үстерү стратегиясе өстенлекләре турында сораштыру узарга тәкъдим итәчәкләр.
Фото: Марат Мугинов
(Казан шәһәре KZN.RU, 16-нчы апрель). 26-нчы апрель көнне ТР дәүләт һәм муниципаль хезмәтләр порталында 2022 елда төзекләндереләчәк җәмәгать киңлекләре һәм ишегаллары өчен тавыш бирү, шулай ук Казансу елгасын үстерү стратегиясенең өстенлекләре турында сораштыру башлана.
Тавыш бирү «Опросы жителей» сервисында һәм «Услуги РТ» мобиль кушымтасында узачак һәм 30-нчы майда тәмамланачак.
Иң күп тавыш җыйган парклар һәм скверлар «Уңайлы шәһәр мохитен формалаштыру» федераль программасы буенча, ә йорт яны территорияләре – «Безнең ишегалды» республика программасы буенча төзекләндереләчәк. Шул ук вакытта топ-200 ишегалды территориясе төзеләчәк, әмма ахыргы карарны кабул итеп, муниципалитетлар җирле халыкның активлыгына һәм һәр аерым алынган территориядә яшәүчеләрнең санына таяначак.
Исегезгә төшерәбез, 2020 елда Казанда «Безнең ишегалды» республика программасы буенча 460 күпфатирлы йорт ишегаллары ремонтланды. Быел 408 йортның ишегалды территорияләрен төзекләндерү планда, яхшырту 110 мең казанлыга кагылачак. Шунысын да билгеләп үтәргә кирәк, 2020 елда Казанда парклар зоналарының гомуми мәйданы 20 гектарга арткан, ә быел тагын 7 җәмәгать мәйданын төзекләндерү планлаштырыла.
Казансу елгасының яр буе зоналарын үстерүгә кагылышлы фикерләрне быел ук гамәлгә ашырылачак биш парк турындагы сораштыруларны узганда әйтеп була, бу «Казансу бакчалары», «Манзара», «Рус-Алман Швейцариясе», «Спорт паркы» һәм «Савиново паркы». Казансу елгасын үстерү стратегиясе уникаль экосистема булдыруны һәм гомуми мәйданы 1536 га булган 12 паркны төзекләндерүне күздә тота.