Казан кешесе кызыл уылдык сатып алганда 6 мең сум акчасыннан мәхрүм калган

Казан кешесе кызыл уылдык сатып алганда 6 мең сум акчасыннан мәхрүм калган

<div class="detail-picture"> <img src="https://kzn.ru/upload/iblock/9bb/9bb9fe2f28132e27c964c54d72982fb5.jpg"> <p class="detail-picture__caption"> Денис Гордийко фотосы </p> <p> </p> <p> Казанда яшәүче 37 яшьлек ир-ат кызыл уылдык сатып алырга теләп, акчасыннан мәхрүм калган. Затлы ризыкның кызыктыргыч бәясе күрсәтелгән белдерүне ир-ат мессенджерда тапкан. </p> <p> Шәһәр кешесе «сатучы» белән элемтәгә керә һәм аның белән язышканнан соң, заказны рәсмиләштерү өчен ябык төркемгә өстәлә. Килешү шарты нигезендә сатып алучы уылдык өчен йөз процент түләргә тиеш була. </p> <p> Вәгъдәләргә ышанып, ир-ат 6 мең сумнан артык акча күчерә. Шуннан соң сатучы элемтәгә чыгудан туктый. Алдакчылар тозагына эләккәнен аңлаган ир-ат полициягә мөрәҗәгать итә. </p> <p> Казан шәһәре буенча Эчке эшләр идарәсе искәртеп узганча, таныш булмаган кешеләргә акча күчерергә, чит кешеләргә банк карталары һәм пин-код мәгълүматларын хәбәр итәргә ярамый. Сатучыларның абруен алдан өйрәнеп, товарларны сыналган сатучылардан гына алырга киңәш ителә. </p> <p> Алдарак Татарстан башкаласында яшәүче 33 яшьлек шәһәр кешесенең, өстәмә хезмәт хакы алырга теләп, якынча 1,5 миллион сумнан <a href="https://kzn.ru/meriya/press-tsentr/novosti/zhitel-kazani-lishilsya-pochti-1-5-mln-rubley-pri-popytke-investirovat-sredstva/?lang=ta">мәхрүм калуы</a> турында хәбәр ителгән иде. Акчаларны отышлы инвестицияләү турындагы белдерүне ул мессенджерларның берсендә тапкан. </p> </div> <br>

2026-01-12T15:18:15+0300