Казанның барлык районнарында киләсе атнада вакантлы эш урыннары мини-ярминкәләре узачак

Аларның иң якын арадагысы 25 нче октябрьдә булачак

Фото: Денис Гордийко

(Казан шәһәре KZN.RU, 20 нче октябрь). Киләсе атнада, 25 нче һәм 26 нчы октябрьдә, Казанның барлык районнарында вакансияләр мини-ярминкәләре узачак. Анда халык буш эш урыннары турында беләчәк, дип хәбәр иттеләр Казанның Халыкны эш белән тәэмин итү үзәгенең матбугат хезмәтендә.

Беренче ярминкә 25 нче октябрьдә Вахитов һәм Идел буе районнары халкы өчен Бертуган Касыймовлар урамы, 22/7 адресы буенча узачак. Халык 09:00 сәгатьтән 11:00 сәгатькә кадәр килә ала. Тулырак мәгълүмат – +7(843)224-86-83 телефоны буенча.

Шул ук көнне 10:00 сәгатьтән 12: 00 сәгатькә кадәр Авиатөзелеш һәм Яңа Савин районнары буенча Халыкны эш белән тәэмин итү үзәге эш эзләүче гражданнарны Ибраһимов проспекты, 41 адресы буенча килергә чакыра. Белешмәләр өчен телефон: +7 (843) 560-88-98.

26 нчы октябрьдә 10:00 сәгатьтән 12:00 сәгатькә кадәр эш табарга теләгән Киров һәм Мәскәү районнары халкы Гагарин урамы, 46 адресы буенча килә ала. Белгечләр +7(843)564-38-32 телефоны буенча консультация бирәчәк.

Совет районында да 26 нчы октябрьдә 10:00 сәгатьтән 12:00 сәгатькә кадәр ярминкә узачак. Шәһәрлеләрне Рихард Зорге урамы, 102 адресы буенча көтәчәкләр. Мәгълүматны +7(843)205-54-53 телефоны буенча ачыкларга мөмкин.

Шулай ук укыгыз

Барлык яңалыклар