Казанның Идел буе районында 1,5 мең урынга исәпләнгән мәктәп төзеләчәк

Казанның Идел буе районында 1,5 мең урынга исәпләнгән мәктәп төзеләчәк

<div> <div class="detail-picture"> <img src="https://kzn.ru/upload/iblock/a0c/a0c0a8827ecd29039471b093262b1078.jpg"> <p class="detail-picture__caption"> Денис Гордийко фотосы<br> </p> <p> Бу елны Казанның «Юбилей станциясе» торак комплексында 1501 урынга исәпләнгән яңа мәктәп төзелә башлый. Бу хакта бүген аппарат киңәшмәсендә «Казанның социаль өлкә учреждениеләрен карап тоту һәм аларга хезмәт күрсәтү департаменты» муниципаль бюджет учреждениесе директоры Илья Коротихин хәбәр итте. </p> <p> ««Юбилей станциясе» торак комплексында зур мәктәп төзелеше башлану – мөһим вакыйга. Халык саны тиз арта торган районда мәктәп барлыкка килүе бик яхшы хәбәр. Балаларга автобуста йөрергә, ата-аналарга исә аларны укырга илтү өчен бөкедә торырга кирәк булмаячак. 1,5 мең урынга исәпләнгән мәктәп төзелеше янәшәдәге мәгариф учреждениеләрендә укучылар санын киметергә мөмкинлек бирәчәк», - дип ачыклык кертте Башкарма комитет җитәкчесе Рөстәм Гафаров. </p> <p> Уку йорты киләчәктә 2119 укучыга исәпләнгән белем бирү комплексын төзүнең беренче этабы булып тора. </p> <p> Проект заманча белем бирү мохитен булдыруны күздә тота. Бинада 800 урынга исәпләнгән актлар залы, 500 квадрат метрдан артык мәйданлы спорт залы, хореография залы, өстәмә белем бирү сыйныфлары һәм укучыларны кайнар ризык белән тәэмин итү мөмкинлеге бирә торган, 500 урынга исәпләнгән ашханә барлыкка киләчәк. </p> <p> Мәктәпне төзү зарурлыгы «Юбилей станциясе» торак комплексы территориясендә актив төзелеш эшләре алып барылу белән бәйле. Яңа объект төзелгәннән соң, районда күпсанлы мәктәп укучылары өчен яңа урыннар булдырылачак. </p> <p>   </p> </div> </div> <br>

2026-03-16T10:03:32+0300