«ЛУЧ – 2025. Сизә белгән кешеләр» V Халыкара фестивале Казанда узачак

Иҗади номерларны инвалидлык һәм сәламәтлек мөмкинлекләре чикләнгән затлар тәкъдим итәчәк

Татарстан башкаласында «ЛУЧ – 2025. Сизә белгән кешеләр» V Халыкара фестивале узачак. Конкурста инвалид һәм сәламәтлек мөмкинлекләре чикләнгән кешеләр, шул исәптән 5 яшьтән өлкәнрәк балалар катнаша ала.

Катнашучылар җыр һәм бию номерлары белән чыгыш ясаячаклар. Шул исәптән нәфис сүз, инструменталь сәнгать һәм оригиналь жанр номинацияләрендә номерлар тәкъдим итәргә.

«Безнең сәхнәдә чиксез илебезнең төрле шәһәрләреннән һәм, әлбәттә, чит илләрдән киң төрле нозологияле балалар, өлкәннәр һәм ветераннар очраша. Шулай ук конкурста сәламәтлек мөмкинлекләре чикләнгән кешеләр генә түгел, аларның педагоглары һәм ата-аналары да катнаша алачак. Әлбәттә, безнең барлык конкурсантларыбыз зур сәхнәдә чыгыш ясау һәм бүләкләр алу мөмкинлеге белән генә чикләнмичә, шундый ук максатчан һәм иҗади кешеләр белән танышу мөмкинлеге дә алачак», – дип сөйләде Татарстан Республикасының атказанган мәдәният хезмәткәре, фестивальнең авторы һәм оештыручысы Вероника Зайцева.

Конкурсантларны берничә яшь категориясендә бәяләячәкләр: 5-9 яшь, 10-13 яшь, 14-17 яшь, 18-35 яшь, 35-55 яшь, 55 яшь һәм аннан өлкәнрәк.

Катнашуга гаризалар 31 октябрьгә кадәр сылтама буенча кабул ителәчәк. Видео номерларны fest.luch@gmail.com электрон адресына җибәрергә кирәк. Хатның темасында катнашучының фамилиясен, исемен һәм атасының исемен, коллективның яки номерының исемен күрсәтергә кирәк.

Гала-концерт 3 декабрьдә Тимер юлчылар мәдәният сараенда (Ильич ур., 25) була. Конкурсның нигезләмәсен сылтама буенча күчереп алырга мөмкин.

Халыкара фестивальне актив тормыш позициясен формалаштыру, инвалид һәм сәламәтлек мөмкинлекләре чикләнгән иҗади кешеләрне ачыклау һәм аларга ярдәм итү максатында шәһәрнең Мәдәният идарәсе, Казанның Киров һәм Мәскәү районнары администрациясе ярдәмендә Тимер юлчылар мәдәният сарае үткәрә.

Шулай ук укыгыз

Барлык яңалыклар