Казан өчен Гуанчжоу премиясен алу конкурсында 81 меңнән артык тавыш бирелгән

Татарстан башкаласына ярдәм итәргә теләүчеләр сәгать саен тавыш бирә алалар.

(Казан шәһәре KZN.RU 29-нчы ноябрь). Шәһәр инновацияләре өчен Гуанчжоу халыкара премиясен алуга конкурста Казан өчен 81200 тавыш бирелгән. Татарстан башкаласына ярдәм итәргә теләүчеләр сайтта онлайн-тавыш бирүдә катнаша ала, өстәвенә, һәр сәгать саен тавыш бирергә мөмкин.

Хәзерге вакытта Татарстан башкаласы Милан, Нью-Йорк, Санта-Ана һәм башкаларны узып, рейтингның 9-нчы урынында тора. Лидерлар унлыгына Казаннан тыш, Сидней, Сальвадор, Санта-Фе, Дурбан, Милан һәм Утрехт эләккән.

Казан өчен тавыш бирү өчен сайтта тагын 2 шәһәрне сайларга кирәк, бер IP-адрестан сәгатенә бер тапкыр тавыш бирергә мөмкин.

Исегезгә төшерәбез, онлайн тавыш бирүдә җиңүче шәһәр 7 декабрьдә Гуанчжоу шәһәр инновацияләр халыкара конференциясендә билгеләп үтеләчәк һәм Тамашачылар мәхәббәте призы белән бүләкләнәчәк. Премия финалистларын тәкъдир итү Гуанчжоу шәһәр инновацияләре халыкара конференциясендә 5-9 декабрьдә узачак. Презентация нәтиҗәләре буенча 15 шәһәрдән 5 җиңүче-шәһәр сайлап алыначак, алар акчалата бүләк, истәлекле бүләк һәм сертификат алачак.

Премия 2012 елдан башлап бирелә. 2016 елгы финалистлар арасына Бостон (АКШ) һәм Копенгаген (Дания) керде. 2018 елга кадәр Россия шәһәре премия финалына бары тик бер тапкыр гына эләкте (Пермь, 2012 ел).

Шулай ук укыгыз

Барлык яңалыклар